వినాయక  చవితి వ్రతం

వినాయక చవితి హిందువుల తొలి పండుగగా ప్రాచుర్యం పొందింది. ప్రతి శుభకార్యానికి ముందు గణనాథుని తొలి పూజ చేసే సంప్రదాయం ఉంది. వినాయకుడు భాద్రపద శుద్ధ చవితి నాడు జన్మించాడని, గణాధిపత్యం పొందాడని పురాణ గాథలు చెబుతున్నాయి. గణేశుని కరుణతో అన్ని విధుల సమస్యలు పరిష్కారం పొందుతాయనే నమ్మకం గలదు. వినాయక చవితిని కుల, మత, జాతులకు అతీతంగా జరుపుకోవడం విశేషం.

భారతీయుల అతిముఖ్య పండుగలలో ఇది ఒక పండగ. పార్వతి, పరమేశ్వరుల కుమారుడైన వినాయకుని పుట్టినరోజునే వినాయక చవితిగా జరుపుకుంటారు. భాద్రపదమాసం శుక్ల చతుర్థి మధ్యాహ్న శుభ సమయంలో హస్త నక్షత్రం రోజున చవితి ఉత్సవాలు ప్రారంభం అవుతాయి.

Note:

ఇంటి శుభ్రత: పండుగ నాడు ఉదయమే లేచి ఇంటిని శుభ్రం చేయాలి. తలంటు స్నానం చేసి ఉతికిన వస్త్రాలు ధరించాలి. అలంకారం: మామిడాకుల తోరణాలతో ఇంటిని అలంకరించాలి. పసుపు రాసిన పీటపై వినాయక విగ్రహాన్ని ఉంచాలి. పూజ సామగ్రి సిద్ధం: పత్రి (21 రకాల ఆకులు), పూలు, తమలపాకులు, కొబ్బరికాయ, బెల్లం, అగరవత్తులు, నెయ్యి, నూనె, నైవేద్యంగా ఉండ్రాళ్లు, కుడుములు, పాయసం, మోదకులు సిద్ధం చేసుకోవాలి