పరిచయం

కామాఖ్య దేవి ఆలయం గౌహాటిలోని నీలాచల కొండలపై ఉన్న అత్యంత ప్రాచీనమైన మరియు గౌరవనీయమైన తాంత్రిక ఆరాధన కేంద్రం. ఇది శక్తిమతానికి అంకితమైనదశమహావిద్యల ప్రధాన ఆలయ సముదాయం. యోని రూపంలో దేవిని ఆరాధించే ఏకైక ఆలయం ఇది.

దేవాలయ నిర్మాణం

ఆలయం కొండపై మూడు భాగాలుగా విభజించబడింది:

1. గర్భగృహం: యోని పీఠం ఉన్న ప్రధాన మందిరం
2. కల్యాణ మండపం: ప్రత్యేక పూజల కోసం
3. పంచరత్న: ఐదు గోపురాలతో కూడిన నిర్మాణం

దేవి మహిమ

కామాఖ్య దేవి అనగా "కామనలను తీర్చే దేవత" అని అర్థం. ఈ దేవి తాంత్రిక సంప్రదాయంలో అత్యంత ప్రధానంగా పూజించబడుతుంది. కామాఖ్య దేవి ను సాధారణంగా విగ్రహ రూపంలో కాకుండా, యోని పీఠంగా స్వరూపంలో ఆరాధించటం ప్రత్యేకత. ఆమె తాంత్రిక దేవతగా ప్రసిద్ధి చెందిందని, అనేక తంత్ర మంత్ర సాదనల కోసం సాధకులు ఇక్కడకు వచ్చి పూజలు నిర్వహిస్తారు. కామಖ್ಯ దేవి మాతృత్వానికి, సృష్టిశక్తికి ప్రతీకగా నిలుస్తుంది. భక్తులు ఆమెను సంతానం లభించేందుకు, వైవాహిక జీవితంలో ఆనందం కోసం, ధనసంపద, ఐశ్వర్యాలను పొందాలనే ఆకాంక్షలతో పూజిస్తారు. ఈ దేవి అనుగ్రహం కలిగినవారికి జీవన పయనం ధన్యమవుతుందని నమ్మకం

దశ మహావిద్యలు

ఆలయ ప్రాంగణంలోదశమహావిద్యలకు అంకితమైన ఆలయాలు ఉన్నాయి: కాళి, తార, షోడశీ, భువనేశ్వరి, భైరవి, చిన్నమస్త, ధూమావతి, బగళాముఖి, మాతంగి మరియు కమలా.

అంబుబాచి మేళా - ప్రధాన పండుగ

కామాఖ్య దేవి ప్రత్యేక ఉత్సవం – అంబుబాచి మేళా జూన్–జూలై మాసాలలో, ముఖ్యంగా హిందూ పంచాంగ ప్రకారం అషాఢ మాసంలో జరుగుతుంది. ఇది నాలుగు రోజులపాటు నిర్వహించబడే ప్రముఖ పండుగ. ఈ కాలాన్ని దేవి రజస్వల (స్త్రీ శరీర ధర్మం) కాలంగా భావించి, మూలస్థానాన్ని మూడు రోజుల పాటు మూసివేస్తారు. ఈ మూడు రోజులలో భక్తులకు ఆలయ దర్శనం ఉండదు. నాలుగవ రోజున ఆలయం తిరిగి తెరచి, భక్తులకు దర్శన బాగ్యం కల్పిస్తారు. ఈ సమయంలో లక్షలాది మంది భక్తులు, తంత్ర సిద్ధులు గౌహతికి తరలి వచ్చి, కామాఖ్య దేవి అనుగ్రహం కోసం ప్రత్యేక పూజలు నిర్వహిస్తారు. ఇది తాంత్రిక సంప్రదాయానికి సంబంధించిన అత్యంత పవిత్రమైన ఉత్సవంగా భావించబడుతుంది.

మేళా కార్యక్రమాలు

అంబుబాచి మేళా సమయంలో భారతదేశమంతటినుంచి తాంత్రిక సన్యాసులు, సాధుసంతులు కామాఖ్య దేవి  పీఠానికి వచ్చి తంత్ర సంప్రదాయాల ప్రకారం గుప్త సాధనలు, పూజలు నిర్వహిస్తారు. ఈ కాలంలో ఆలయంలో గుప్త తాంత్రిక పద్ధతుల్లో ప్రత్యేక పూజలు జరుగుతాయి, ఇవి సాధారణ భక్తులకు అందుబాటులో ఉండవు. నాలుగవ రోజున ఆలయం తిరిగి తెరిచిన అనంతరం భక్తులకు ప్రత్యేక ప్రసాదం ఇవ్వబడుతుంది. ఇది దేవి వాస్ర్తంలో ఉన్న రక్తం మిశ్రితమైన పవిత్ర జలంగా పరిగణించబడుతుంది. భక్తులు దీనిని అత్యంత పవిత్రంగా భావించి స్వీకరిస్తారు. ఈ మేళా తాంత్రిక విశ్వాసాలకు ప్రతీకగా నిలిచి, కామాఖ్య దేవి అనుగ్రహాన్ని కోరే వారికి అపూర్వమైన అనుభూతిని కలిగిస్తుంది.